Bariadi,
Mkuu wa Mkoa wa Simiyu Mhe. Dk. Yahaya Ismail Nawanda amekutana na kuzungumza na Mawakala wa Usafirishaji katika eneo la Stendi kuu ya basi ya Mikoani Somanda Wilayani Bariadi.
Dk. Nawanda anatembelea eneo hilo ikiwa ni utekelezaji wa ratiba yake ya kusikiliza na kutatua Kero mbalimbali za Wananchi
Mawakala wa usafirishaji kituoni hapo wamemuambia Mkuu wa Mkoa Dk. Nawanda changamoto mbalimbali ikiwemo ubovu wa vyoo katika eneo hilo la Stendi.
Kutokana na changamoto hiyo Dk. Nawanda ameuagiza Uongozi wa Halmashauri ya Mji Bariadi kishughulikia kwa haraka changamoto ya ubovu wa vyoo katika eneo hilo pamoja na kuimarisha Usafi wa Mazingira katika eneo hilo.
GCO,
Simiyu RS.
26 Oktoba 2023.
